Përshtati në shqip për Shëndeti Online dhe gazeta ‘Shëndet+’: Blertina Koka
Një kombinimin i ilaçeve është cilësuar si një zbulim “historik” në trajtimin e kancerit më vdekjeprurës.
Gjatë testimeve të para, ka rezultuar se kombinimi i ilaçeve ‘gemcitabine’ dhe ‘capecitabine’ gjatë kimioterapisë rrit shanset që njerëzit me kancer në pankreas të jetojnë të paktën 5 vjet.
Ky trajtim, thonë ekspertët, duhet të përfshihet në kujdesin e pacientëve që i janë nënshtruar një operacioni.
Kanceri i pankreasit është një nga më vdekjeprurësit nga 21 llojet e zakonshme të kancerit, duke qenë se shpesh zbulohet në fazën e fundit. Çdo vit, me mijëra njerëz diagnostikohen dhe vdesin nga kjo sëmundje.
Vetëm 5% e të prekurve nga ky lloj kanceri mund të jetojnë gjatë 5 viteve të ardhshme dhe 1% për 10 vjet. Përqindja e mbijetesës është rritur shumë pak që nga fillimi i viteve ’70.
Rezultatet, e publikuara tek revista mjekësore “The Lancet”, treguan se 29% e pacientëve që morën të dyja ilaçet, të kombinuar së bashku, jetuan të paktën 5 vite. Ndërsa, vetëm 16% e pacientëve që morën ilaçin ‘gemcitabine’ mbijetuan kaq gjatë.
Shoqata Britanike e Kancerit të Pankreasit ka kërkuar që ky trajtim të vihet në dispozicion për të gjithë pacientët në Britani.
Burimi: Daily Mail / https://shendeti.com.al/
