Ciro Vestita, dietolog italian
Mëlçia është dirigjenti i orkestrës të organizmit tonë. Përveç kësaj, është dhe kontrolluesi i parë i gjithçkaje që tresim. Ekzaminon substancat e ndryshme të ardhura, i ripërpunon dhe i fut si energji në gjak. Sintetizon gjithashtu edhe molekulat kryesore si hormone dhe vitaminat. Ndodh fatkeqësisht që ne e “ofendojmë” vazhdimisht me një ushqyerje jo të rregullt, ku mbizotërojnë ushqime të rënda, me yndyrë, të skuqura në vaj jocilësor, me pije alkoolike e medikamente, të cilat edhe pse në kohët e sotme i vijnë në ndihmë shëndetit tonë, në rast abuzimesh, ndikojnë në keqfunksionimin e mëlçisë.
Sa herë që në organizmin tonë fusim alkool, duhan apo barna, do të na duhet të pyesim mëlçinë se si ndihet ajo.
Ushqyerja:
Sido që të jetë sëmundja hepatike, ushqyerja duhet të jetë korrekte dhe e pasur me produkte që nuk rëndojnë punën e qelizës hepatike.
Ushqime që duhen preferuar:
Konsumoni gatimet e thjeshta: më të mirat janë zierja apo zierja në avull. Sa më shumë ananas, dardha, kumbulla, fruta pylli, pjepër, carangth, argjinarë, groshë, kos rikota, peshq pa yndyrë.
Ushqim që duhen kufizuar:
Alkooli në të gjitha format e tij, ushqime shumë të përpunuara, produkte pa yndyrë, pjekjet në hell.
Fitoterapia:
Sëmundjet e mëlçisë janë të shumta, për secilën prej tyre fitioterapia mund të vijë në ndihmë.
Hepatitet:
janë patologji të shkaktuara nga viruset A, B, C, D, ose nga fenomene intoksikuese. Në fazën akute të sëmundjes, është e pakët ndihma e bimëve, por nëse hepatiti është drejt rrugës së shërimit, ato ndihmojnë në përshpejtimin dhe përmirësimin e saj.
Valim me carangth, gjethe angjinari, lule rozmarinë: në një litër ujë zieni për 10 minuta 5 gram fara carangthi, 5 gram gjethe të thara angjinari dh e10 gram lule rozmarinë. Pijeni gjatë gjithë ditës.
Valim me lëpjetë dhe ribes: në një litër ujë zieni 10 gramë rrënjë lëpjete, 20 gramë gjethe ribes (rrush frëngu) lërini të ziejnë për 8 minuta. Pihet gjatë gjithë ditës.
Steatozë hepatike (mëlçia e mbushur me yndyrë)
Valim me carangth dhe tarasak (bimë dhëmbulani): në një litër e gjysëm ujë zieni 20 gram rrënjë të thata tarasaku dhe 10 gramë rrënjë të thatë carangthi. Lërini të ziejnë përr 20 minuta. Pijeni në çdo moment të ditës.
Litiazë e kolecistit:
Valim me rrodhe dhe trëndafil të egër: në dy litra ujë zieni për 20 minuta 10 gramë rrënjë të freskëta rrodheje dhe 20 gramë rrushqe trëndafili të egër. Pihet gjatë ditës.
