Mishi i pulës mund të gatuhet në mënyra të ndryshme. Në këtë recetë e kemi sjellë të gatuar me perime të ndryshme. Kjo është një pjatë shumë e shijshme, dhe jo shumë e vështirë në përgatitje.
Përbërësit
1 pulë- 1 qepë
- 1 karrotë
- 2 degë selinoje
- 1 spec i kuq dhe 1 jeshil
- 1 kungull
- 2 domate
- 1 thelbi hudhër
- 7-8 lugë gjelle vaj ulliri
- Pak kripë
- Pak piper
- 1 lugë gjelle majdanoz i grirë hollë
- 1 degë rozmarinë
- 2 gjethe sherbele
- 1 gotë verë të bardhë
Përgatitja e pulës
Fillojmë me pastrimin e pulës, e presim në thela të vogla, më pas e lajmë dhe e thajmë me letër kuzhine. Pastrojmë dhe qërojmë perimet me radhë. I presim perimet në copa të vogla, ndërsa qepën e grijmë hollë. Hedhim në një tigan të madh vaj ulliri dhe më pas shtojmë copat e mishit të pulës. I skuqim mirë ngag të dyja anët.
Pasi mishi është skuqur, shtojmë qepën e grirë, karrotën dhe selinon e prerë në copa. Shtojmë gjithashtu dhe degën e rozmarinës, gjethet e sherebelës dhe hudhrën. I lëmë disa minuta të kavërdisen e më pas i shuajmë me verë. Lëmë të avullojë alkooli i verës e më pas shtojmë perimet e tjera, (specin, kungullin, domaten) të prera në copa.
Shtojmë pak kripë e piper dhe mbulojmë tiganin me kapak.
E lëmë të piqet në zjarr të ngadaltë përreth 30 min derisa mishi i pulës të piqet. Nëse e shohim që pula është tharë mund të shtojmë një garuzhde lëng mishi. Kur mishi është pjekur, fikim zjarrin dhe shtojmë majdanozin e grirë hollë.
(Duhet të kemi kujdes që të heqim hudhrën, sherebelën dhe degën e rozmarinës nga tigani).
Hedhim pulën në pjata dhe e shërbejmë të ngrohtë.
Ju bëftë mirë!
