Përshtati në shqip: Blertina Koka / Shëndeti Online dhe gazeta ‘Shëndet+’
Një mësuese në Pensilvani është pushuar nga puna, pasi i tha një vogëlusheje, vetëm 5 vjeç, e cila i ka mbijetuar kancerit, se nuk mund të jetë e bukur nëse është tullace.
Incidenti ka ndodhur të premten e kaluar tek shkolla fillore Wylandville në Pensilvani.
MaKayla Welsh po luante me flokët që i kanë mbetur në kokë kur mësuesja e injoron para gjithë klasës.
“Mësuesja kishte menduar se po shkulte flokët…Ajo i tha se nëse ishte tullace, nuk mund të ishte e bukur”, tregon nëna e vajzës, Nicole Welsh.
MaKayla u diagnostikua me leucemi dy vite më parë dhe fatmirësisht gjendja e saj ka filluar të përmirësohet. Megjithatë flokët vazhdojnë t’i bien për shkak të nënshtrimit të kimioterapisë gjatë trajtimit të sëmundjes.
Sapo ka shkuar në shtëpi, MaKayla i ka treguar nënës për komentin që i ka bërë mësuesja. Nëna e saj është ankuar te drejtuesit e shkollës për këtë sjellje të mësueses dhe ata e kanë përjashtuar menjëherë nga puna.
“Kini kujdes me fjalët që u thoni fëmijëve…Fjalët mund të lëndojnë më shumë se gjithçka tjetër. Ata mund t’iu ngelen përgjithmonë në mendje” bën thirrje nëna e vogëlushes.
Burimi: Daily Mail / https://shendeti.com.al/
