Mungesa e aktivitetit fizik mund të çojë në dyfishim të vdekjeve nga obeziteti. Kjo është ajo çka rezulton nga një studim i fundit 
i Universitetit të Kembrixhit, i publikuar në revistën “American Journal of Clinical Nutrition”, sipas të cilit mjaftojnë 20 minuta ecje me ritëm të qëndruar për të ulur rrezikun e problemeve kardiovaskulare dhe kancerit.
Studimi, i cili ka marrë në shqyrtim të dhënat e 334161 evropianëve, ka gjetur se pjesa më e madhe e rrezikut për vdekje të parakohshme qëndron tek grupi i cilësuar si “jo aktiv” që përveç punës, nuk kryen aktivitet tjetër fizik krahasuar me grupin e “jo aktivëve të moderuar”, që në fakt arrinin të kombinonin punën me aktivitetin krijues. Duke analizuar këta dy grupe, në veçanti, autorët kanë treguar se vetëm 20 minuta ecje e shpejtë në ditë, në të cilin digjen 90-110 kalori, kontribuojnë në uljen e rrezikut për vdekje të parakohshme në një përqindje rreth 16-30%./ ANSA
