Ideale edhe për personat që këto kohë mbajnë agjërim për Pashkët – recetë e rekomanduar nga dietologia Rolina Naço
Përbërësit (2-3racione):
- 3 lugë supe vaj ulliri
- 1 patëllxhan i madh, i prerë në shirita
- 2 kunguj mesatar, të prera në shirita
- 1 qepë të madhe, të prerë imët
- 120 g kërpudha, të prera feta
- 1 thelbi hudhër
- 4 domate në kube
- 1/2 filxhan domate të grira në blender
- 2 lugë verë të kuqe
- 1 lugë gjelle erza të ndryshme
- 90 gr arra, të copëtuara imët
- 30 gr bollgur e copëtuar në blender
- Kripë, Piper
Për beshamelin:
- 30 g miell gruri
- 300 ml qumësht soje
- 2 lugë vaj ulliri
Përgatitja:
- Së pari ngrohni furrën në 180 ° C. Në një tigan,vendosni patëllxhanët dhe kungujt, të spërkatur me vaj ulliri, pasi zbuten i lini mënjanë.
- Vendosni një lugë gjelle vaj ulliri në tigan me pak ujë, dhe skuqni qepën për 5 minuta dhe në fund shtoni kërpudhat dhe hudhrat, i lini dhe për 5 min të tjera. Shtoni salcën e domates, verën edhe erëzat që të formohet salca.
- Pastaj shtoni arra, bollgurin, kripë dhe piper.
- Në një tigan, shtoni 2 lugë vaj ulliri, miellin dhe qumështin soje, trazoheni 5 min deri sa të behet krem.
- Hidhni pak vaj në tepsi, vendosni gjysmën e perimeve në një rresht, hidhni sipër përzierjen e mbushjes dhe pak beshamel. Shtoni përsëri perimet edhe beshamelin. E vendosni në furrë dhe lëreni për 45 minuta./ Shendeti.com.al
