Përshtati në shqip: Blertina Koka / Shëndeti Online dhe gazeta ‘Shëndet+’
Të lexuarit është cilësuar gjithmonë si burim njohurish dhe mënyrë argëtimi. Por, hulumtuesit shkencorë tani besojnë se leximi mund të ndihmojë gjithashtu në trajtimin e dhimbjeve kronike për miliona njerëz.
Të lexuarit nuk është vetëm një burim dijesh dhe mënyrë argëtimi, por mund të shërbejë edhe si trajtim për dhimbjet kronike tek miliona njerëz. Në këtë përfundim kanë arritur një grup shkencëtarësh nga Universiteti i Liverpulit, në Britani.
Leximi i vazhdueshëm, sipas shkencëtarëve, ka të njëjtat efekte në tru si terapia popullore e sjelljeve njohëse (CBT).
Duke sjellë në memorie kujtime të vjetra dhe të lumtura, librat mund të ndihmojë të harroni dhimbjet.
Hulumtuesit shkencorë nga Universiteti i Liverpulit vëzhguan ndikimin e të lexuarit tek disa grupe njerëzish.
Ata zbuluan se të lexuarit ndihmon njerëzit të rikujtojnë momentet pozitive nga koha para se të kishin dhimbje. Kjo ndodh sepse të lexuarit nxit trurin të dërgojë mesazhe të reja dhe pa dhimbje në trup, shpjegojnë shkencëtarët.
Burimi: Daily Mail / https://shendeti.com.al/
