Blertina Koka
Flitet aq shumë për sëmundjet e zemrës, ushqimet që luftojnë kancerin apo receta për mbajtjen nën kontroll të niveleve të sheqerit në gjak. Por, po anashkalohen veshkat, organet binjake që shumë mjekë i kanë quajtur si heronjtë e heshtur të trupit të njeriut. Ato nuk ndihmojnë vetëm në qarkullimin si duhet të gjakut, por janë përgjegjëse edhe për mbrojtjen e kockave duke parandaluar osteoporozën.
Stresi, ushqimet e përpunuara dhe me hormone, stili i jetesës, etj, kanë bërë që sëmundjet e veshkave të rriten në shifra alarmante në Shqipëri, nga të cilat tanimë vuajnë edhe 30-vjeçarët, ndërkohë që më parë problemet me veshkat fillonin mbi moshën 40 vjeç.
14-15% e shqiptarëve thuhet se vuajnë nga sëmundjet e veshkave, çka do të thotë se është një situatë alarmi.
Veshkat janë ndër organet më të rëndësishme në trupin e njeriut. Ato janë themeli i shëndetit metabolik, pasi rregullojnë tensionin e gjakut, forcojnë kockat, rregullojnë elektrolitet në trup dhe filtrojnë toksinat dhe lëngjet e panevojshme.
Shenjat që paralajmërojnë për probleme me veshkat janë: lodhja, ënjtja, vështirësi në përqendrim, probleme me frymëmarrjen, acarim të lëkurës etj.
Për të mbrotjur veshkat dhe parandaluar sëmundjet që lidhen me të, Gazeta Shendeti sugjeron këto 4 zgjedhje natyrale. Shfletoni galerinë…
