Përshtati në shqip për gazetën “Shëndet+”: Blertina Koka
Nëna e një 14-vjeçareje nga Britania i është drejtuar rrjeteve sociale për të paralajmëruar prindërit e tjerë që të kontrollojnë fëmijët e tyre nëse kanë shenja të tilla në qafë.
Ajo i kishte vënë re këto njolla të errëta në qafën e vajzës së saj, ku pas vizitës tek mjeku rezultoi se ishte prekur nga diabeti i tipit 2.
14-vjeçarja Pantera ishte e etur gjatë gjithë kohës, kishte dhimbje koke dhe luhatje humori. Por një nga simptomat më të çuditshme ishin vijat e errëta përreth qafës, ku sipas mjekëve, tregojnë se insulina nuk po funksionon siç duhet.
Përveç qafës, këto njolla të errëta mund të formohen edhe poshtë krahëve ose në ije. Sipas ekspertëve të mjekësisë, nivelet e larta të insulinës në trup aktivizojnë receptorët e insulinës në lëkurë, duke rritur nivelet e saj në mënyrë jonormale dhe duke shkaktuar njolla të errëta në lëkurë.
Këto njolla të errëta janë një ndër shenjat e para që tregojnë se jeni prekur nga diabeti apo rrezikoheni të prekeni nga kjo sëmundje.
Nëna e 14-vjeçares i rekomandon gjithashtu prindërit e tjerë që të kenë kujdes mbi mënyrën e ushqyerjes së fëmijëve, pasi ushqimi luan në rol të rëndësishëm në shëndetin e tyre edhe pasi të rriten.
Burimi: The Sun / https://shendeti.com.al/
