Elbasani është një ndër qytetet më të ndotura në Shqipëri nga industria e rëndë. Para dy javësh zjarri i rënë në ish-kombinatin Metalurgjik la pas një ndotje të frikshme. Në këtë kuadër pjesëtarë të shoqërisë civile, intelektual dhe qytetar protestuan sot para Bashkisë Elbasan. Pavarësisht kauzës jetike u vu re një pjesëmarrje e ulët në proteste. Sakaq protestuesit kërkuan marrjen e masave nga ana e institucioneve për operatorët industrial që veçanërisht fëmijët të thithin ajër të pastër e jo t’u rrezikohet jeta prej çlirimit të gazrave.
Pasojat e ndotjes i vuajnë qytetarët. Njëra nga ato është Fatbardha Topuzi e cila po lufton me një sëmundje të rëndë.
Në Ditën Botërore të të Drejtave të Fëmijëve ata kërkojnë të thithin ajër të pastër.
Pas protestës të pranishmit nisën nënshkrimin e një peticioni ,ndërsa ky i fundit do të rrugëtojë në lagje të ndryshme të Elbasanit për t’iu dorëzuar në fund pushtetit lokal, ku do t’i kërkohet marrja e masave imediate për minimizimin e ndotjes.
Burimi: shqiptarja.com
