Përshtati në shqip për “Shendeti.com.al”: Blertina Koka
Njerëzit që vuajnë nga artriti e dinë sa e vështirë është të jetuarit me këtë sëmundje, ndërsa dhimbjet shtohen. Për të lehtësuar dhimbjet para se ato të përkeqësohen edhe më shumë, ekspertët e shëndetit rekomandojnë që të konsumoni këtë pije në mëngjes.
Kjo pije është e pasur me vlera ushqyese dhe përbërës që mund të luftojnë sëmundjet. Më e rëndësishmja e kësaj pije është se përmban përbërës të gjithë natyral.
Çfarë ju duhet?
- ¼ limon
- ½ rrënjë të Shafranit të Indisë
- ½ rrënjë xhenxhefili
- 1 mollë të kuqe
- 3-4 copa karotë
Përgatitja:
- Qëroni xhenxhefilin dhe rrënjën e Shafranit të Indisë.
- Hiqni pjesën e brendshme të mollës.
- Prisni të gjithë ingredientët në copa të vogla.
- Vendosini në shtrydhëse dhe shtrydhini mirë derisa të formohet një masë homogjene.
- Hidheni në gotë dhe shtoni pak ujë nëse është shumë e trashë.
Limoni – Lëkura e limonit përmban përfitime të shumta shëndetësore. Përveç acidit citrik që gjendet tek ky frut, ai ka edhe efekt neutralizues në trup. Vlerat ushqyese dhe përbërësit që mund të gjenden tek lëkura e limonit ndihmojnë në relaksimin e enëve të gjakut, ulin inflamacionin dhe lehtësojnë dhimbjet nervore.
Karotat janë të pasura me beta-karotene dhe antioksidues. Ato sjellin më shumë përfitime antiinflamatore krahasuar me ilaçe si ibuprofen, aspirinë apo celebrex. Karota ndihmon gjithashtu për uljen e niveleve të kolesterolit, parandalon sëmundjet e zemrës etj.
Molla është një nga burimet kryesore të kuercetinës, një përbërës anti-inflamator që mban zemrën të shëndetshme dhe rregullon funksionimin e enëve të gjakut. Ajo ndihmon gjithashtu në uljen e niveleve të kolesterolit, parandalon sëmundjet e zemrës etj.
Xhenxhefili lehtëson dhimbjet e kyçeve dhe ul inflamacionin tek personat që vuajnë nga osteoartriti dhe artriti reumatoid.
Shafrani i Indisë njihet për lehtësimin e dhimbjeve të shkaktuara nga artriti. Thuhet gjithashtu se ai është më i mirë se ibuprofeni kur bëhet fjalë për lehtësimin e dhimbjeve. Shafrani është përdorur gjithashtu për luftimin e infeksioneve, parandalimin e zhvillimit të kancerit, uljen e inflamacionit dhe trajtimin e shumë problemeve me tretjen dhe mëlçinë.
Burimi: Healthy / https://shendeti.com.al/
