Përshtati për gazetën “Shëndet+”: Blertina Koka
Njëra ka lëkurë ngjyrë të errët dhe sy të mëdhenj ngjyrë kafe, ndërsa tjetra ka lëkurë të bardhë dhe sy blu. Këto janë motrat binjake, që përveçse kanë lindur dy minuta mes njëra-tjetrës, nuk kanë asgjë të përbashkët. 
Anaya, vajza me lëkurë ngjyrë të bardhë, i ka ngjarë nënës, e cila po ashtu është e bardhë, ndërsa Myla i ka ngjarë babait Kyle Armstrong, i cili është mulat. Zonja Yarker tregon se njerëzit gjithmonë mbesin të habitur nga pamja e tyre shumë e ndryshme dhe nuk e besojnë se vajzat janë binjake.
Binjaket jo identike kanë lindur në prill të vitit të kaluar, ku Anaya peshonte 2.52 kg, ndërsa Myla peshonte 2.86 kg. Përveç ndryshimit në pamje, nëna e vajzave thotë se ato ndryshojnë edhe në personalitet. “Myla është më e lëvizshme, ndërsa Anaya më e qetë. Nuk mund ta besojmë se janë binjake – ato kanë të njëjtën datëlindje, të njëjtët prindër, por janë krejtësisht ndryshe në çdo gjë”, tregon nëna e tyre.
Ky rast i rrallë thuhet se ndodh “një në një milion”. Ato kanë marrë gjene të ndryshme nga secili prindër. Gjeni që ndikon tek ngjyra e lëkurës ka qenë i ndryshëm tek secila nga vajzat.
Burimi: Daily Mail / shëndeti.com.al
