Përgatiti për gazetën “Shëndet+”: Elena Beta
Një studim amerikan i viteve të fundit tregon se kafeina, konsiderohet një stimulues i fuqishëm kundër inflamacioneve. Nëse dëshironi të eleminoni qeset e errëta nën sy, atëherë merrni bustinën e ftohtë të çajit, tashmë të përdorur, dhe futeni në frigorifer për 10 minuta, vendoseni në sy dhe mbajeni për pesë minuta.
Gjethet e lakrës për bark të rrafshët
Gjethet e lakrës dhe lakrat turshi ndikojnë në eleminimin e fryrjes së stomakut. ‘Lakrat turshi përmbajnë 100 herë më shumë probiotikë sesa përmban jogurti, i cili njihet për sasinë e lartë të këtij bakteri të dobishëm. Ky bakter ju ndihmon të keni një tretje më të shëndetshme dhe të përmirësoni funksionimin e zorrëve.
Domatet e buta për lëkurë të shëndetshme
Likopeni – antioksiduesi mbrojtës që i jep ngjyrën e kuqe domateve , tregohet si një faktor mbrojtës i lëkurës nga rrezet e dëmshme. Konsumimi i domateve dhe gatimi i tyre po ashtu shëron dëmtimet e shkaktuara në lëkurë si pasojë e rrezeve të dëmshme të diellit.
Farat e pjeprit për të shmangur rrudhat
Mos i hidhni farat e pjeprit! Janë një burim shumë i mirë për zink, një mineral ky që është kyç në prodhimin e kolagjenit në trup. Megjithëse kolagjeni me plakjen e njeriut bie, farat e pjeprit të pasura me zink ndikojnë që trupi të prodhojë sa më shumë kolagjen, duke shmangur në këtë mënyrë rrudhjen e lëkurës.
Burimi: healthyfood/https://shendeti.com.al
