Përgatiti për gazetën “Shëndet+”: Elena Beta
Mendoni se dini shumë për lëkurën dhe kujdesin ndaj saj? Ju mund të habiteni se si shumë “njohuri të përbashkëta” në lidhje me mbajtjen e lëkurës të shëndetshme rezultojnë jo të vërteta.
Kremi i duhur mund ta mbajë lëkurën të re: Ka me qindra trajtime të lëkurës që pretendojnë se ju ndihmojnë të dukeni më i ri ose premtojnë ngadalësim në procesin e plakjes. Për reduktimin e rrudhave, trajtimi më i mirë është ai me acid retinoik. Shumë produkte për fytyrën përmbajnë acid retinoik, por është e vështirë të thuhet nëse njëri është më efektiv se tjetri. Mënyrat më të mira për të evituar rrudhat në fytyrë janë përdorimi i kremit mbrojtës ndaj diellit dhe eleminimi i duhanit.
Sapuni antibakterial është më i miri për ta mbajtur lëkurën tuaj të pastër: Lëkura normalisht përmbën baktere të shumta. Është e pamundur të mbani lëkurën krejtësisht larg baktereve në çdo kohë. Në fakt, shumë ekspertë janë të shqetësuar se përdorimi i sapunit antibakterial mund të çojë në më shumë baktere antibiotik-rezistente. Sapuni antibakterial nuk është i nevojshëm për përdorim të përditshëm.
Çokollata apo ushqimet me vaj shkaktojnë puçrra (akne) fytyre: E vërteta është se një substancë me vaj quajtur sebum shkakton puçrra fytyre. Kjo substancë sekretohet nga lëkura. Në fakt, nuk ka asnjë dëshmi se ndonjë ushqim i veçantë shkakton puçrra fytyre.
Ekspozimi ndaj rrezeve të diellit është i keq për lëkurën: Shpenzimet e një pjesë të madhe të kohës në diell, ose në një kabinë për nxirrje artificiale, mund të rrisin rrezikun e kancerit të lëkurës, veçanërisht në qoftë se nuk përdoret krem mbrojtës. Rreziku i kancerit të lëkurës është i lidhur me ekspozimin e përgjithshëm në diell dhe frekuencën e rrezeve të diellit. Ekspozimi i tepërt ndaj rrezeve mund të dëmtojë lëkurën, duke shkaktuar rrudha para kohe.
Ekspozimi ndaj rrezeve të diellit është i mirë për lëkurën: Nuk ka asnjë dëshmi se njerëzit e ekspozuar ndaj diellit janë më të shëndetsshëm se njerëzit që nuk ekspozohen ndaj diellit. Ekspozimi në diell ka një përfitim shëndetësor, aktivizon vitaminë D në lëkurë. Vitamina D ndihmon për të mbajtur kockat e forta, dhe gjithashtu mund të ulë rrezikun e kancerit. Nuk ka rëndësi se sa vitaminë D jeni duke marrë në dietën tuaj, mungesa e ekspozimit ndaj diellit do të rrisë rrezikun e mangësisë së vitaminës D.
Burimi: http://www.health.harvard.edu/https://shendeti.com.al
