Vazhdon të rritet numri i viktimave nga koronavirusi i ri që ka prekur Kinën dhe është shpallur si emergjencë globale e shëndetit nga Organizata Botërore e Shëndetësisë (OBSH).
Sipas BBC, numri i të vdekurve ka arritur në 213, dhe 42 nga 43 viktimat e reja janë regjistruar në provincën e Hubei. Ndërsa në Wuhan, ku është dhe epiqendra e epidemisë ka edhe raste të personave të vdekur në rrugë.
Ndërkohë OBSH raporton se deri tani numërohen 98 raste në 18 vende të tjera, por pa vdekje. Shumica e këtyre rasteve janë njerëz që kanë qenë në Wuhan apo Hubei.
Gjithsesi në tetë raste, në Gjermani, Japoni, Vietnam dhe Shtetet e Bashkuara, pacientët u infektuan nga persona të tjerë që kishin udhëtuar në Kinë.
Burimi: OBSH/ BBC
