Kastravec
Kastravecët janë të pasur me sulfur dhe silikon, që ndihmojnë veshkat të eliminojnë acidin urik. Të pasura në ujë dhe kalium dhe shumë pak kripë, kastravecët pengojnë gjithashtu prodhimin e acidit nitrik dhe enzimave inflamatore. Fetat e kastravecit mund të përdoren edhe për të larguar ënjtjet poshtë syrit.
Boronicat e kuqe
Amerikanët ishin të parët ata që zbuluan efektet diuretike të boronicës së kuqe, duke i përdorur në trajtimin e një sërë gjendjesh shëndetësore, si ekzema, që mendonin se shkaktohej nga abuzimi me konsumimin e kripës. Lëngu i boronicës është përdorur nga gra në të gjithë botën për të parandaluar dhe trajtuar cistet dhe çrregullime të tjera të fshikës së urinës. Boronicat janë gjithashtu të mira për eliminimin e lëngjeve të tepërta në trup pa pasur nevojë që të largojë edhe kaliumin.
Selinoja
Hipokrati e rekomandonte selinon për të eliminuar lëngjet e tepërta në trup. Tani shkencëtarët kanë zbuluar se fetalidet tek selinoja kontribuojnë në efektet e saj diuretike. Ndërsa nivelet e acidit urik në trup pakësohen nga inhibitorët COX-2 tek selinoja, që e bëjnë atë trajtimin ideal për edemën.
Panxhari
Panxhari është i pasur në kalium, që ndihmon në eliminimin e lëngjeve të tepërta në trup. Panxhari njihet gjithashtu edhe për vetitë e tij anti-inflamatore falë përbërësit që i jep ngjyrën e kuqe, betaninës.
Shparg
Që në Mesjetë, shpargu është përdorur për vetitë e tij diuretike. Këto veti vijnë nga aminoacidi asparagine, që është përdorur për të trajtuar ënjtjen, reumatizëm dhe grumbullimin n e ujit në trup. Pas konsumimit të shpargut, urina merr një erë të çuditshme si pasojë e zbërthimit të acidit asparagusik në substanca që përmbajnë sulfur kur treten.
