Përshtati në shqip për “Shendeti.com.al”: Blertina Koka
Një i ri për pak sa nuk vdiq pasi i bënë reaksion ilaçet e marra pa rekomandimin e mjekut. 21-vjeçari Christopher Wooll tregon se gati sa nuk “u dogj i gjallë”, pasi filluan t’i dilnin flluska në trup vetëm 10 ditë pasi mori ilaçin “lamotrigine” se nuk ishte në gjendje të mirë
Z. Wooll e kishte marrë ilaçin, që përdoret për të trajtuar çrregullimin bipolar dhe epilepsinë, pa u vizituar fillimisht tek mjeku, por kishte vendosur të trajtohej vetë.
Një nga efektet anësore të këtij ilaçi janë skuqjet në lëkurë, prandaj mjekët e japin atë fillimisht në doza shumë të vogla.
21-vjeçari u diagnostifikua me sindromën Stevens-Johnson (SJS), një gjendje e rrallë dhe e rrezikshme njëkohësisht, që shkaktohet zakonisht nga reaksioni i ndonjë ilaçi apo infeksioni.
Organet e tij filluan të shfaqnin probleme dhe mjekëve tek spitali Mbretëresha Elizabeth në Birmingham u është dashur të përballojnë një sërë ndërlikimesh, madje në një moment 21-vjeçari ndaloi së marri frymë.
Fatmirësisht mjekët arritën ta shpëtonin të riun, dhe tani ai është kthyer në shtëpi shëndoshë e mirë.
Burimi: Daily Mail / https://shendeti.com.al/
