Nëna ime para 3 muajsh është operuar prej zemrës. Ka qenë mirë, por tani ka pasur të njëjtin problem, si sulm i ka ndodhur 
gjatë natës. E kemi pasur tek spitali ku është operuar. Mjekët i kanë thënë që sulm nuk ka pasur. Nëna është duke përdorur “Xanax” sipas nevojës, mirëpo është duke marrë 2 herë në ditë nga gjysmë tablete. Jam në pritje të përgjigjes suaj.
Përgjigje nga mjekja Manjola Liko
Shpeshherë pacientët që i nënshtrohen ndërhyrjeve kirurgjikale kanë dhimbje të forta të gjoksit që nuk e kanë origjinën nga problemet kardiake, por janë me origjinë muskuloskeletike. Fakti që ju e keni bërë konsultën me mjekun, duhet të jeni të sigurt që nuk ka asnjë problem akut kardiak. Për në vazhdim unë do t’ju rekomandoja që, nëse nëna juaj vazhdon të ketë ankesa edhe pas marrjes së “xanax”-it, të kontaktoni sërish mjekun.
