Drejtoresha e Zyrës Rajonale të OBSH-së për Evropën, Zsuzsana Jakab, i ka kërkuar qeverisë shqiptare rritjen e financimeve në sektorin e shëndetësisë, duke e konsideruar këtë një politikë të rëndësishme drejt mbulimit universal të popullatës me shërbime shëndetësore. Jakab këtë qëndrim ja përcolli sot deputetëve në komisionin e shëndetësisë .
“Është shumë e rëndësishme që të rritet financimi për frymë në shëndetësi. Kuota që aplikohet sot është 2/8 e produktit të brendshëm bruto, ndërsa rekomandimi ynë është që kjo kuotë të shkojë të paktën në 3/5 të Produktit të brendshëm bruto. Qeveria shqiptare sot aplikon10% të buxhetit për sistemin shëndetësor, ndërkohë që rekomandimi ynë është që minimumi i akorduar për sistemin shëndetësor të jetë 12%”, u shpreh znj. Jakab.
Vetëm pak ditë më parë, shërbimi shëndetësor online Treated.com publikoi “hartën e shëndetit në Evropë”, që tregonte se Shqipëria ishte vendi që akordonte fondin më të ulët buxhetor për sektorin e shëndetësisë, nga të gjitha shtetet e tjera evropiane.(lexo këtu)
Gjatë komisionit të shëndetësisë, përfaqësuesja e OBSH-së evidentoi gjithashtu nevojën për përcaktimin e rregullave më të qarta për partneritetet publike-private në shëndetësi, për të cilat pranoi se kanë shkaktuar debate publike.
