Vaji esencial i rozmarinës mund të ketë përfitime shëndetësore, duke përfshirë mbështetjen e funksionit të trurit dhe rritjen e flokëve, ndër të tjera.
Rozmarina (Rosmarinus officinalis) është një bimë me gjelbërim të përhershëm me gjethe në formë gjilpërash.
Megjithëse më së shumti njihet si erëza ushqimore, është një nga bimët aromatike dhe mjekësore më të njohura në mbarë botën.
Vaji esencial i rozmarinës – i cili mban përbërësit thelbësorë të bimës, ose esencën – nxirret dhe shitet në shishe të vogla ose mund ta bëni fare lehtë në kushte shtëpie. Pavarësisht nga emri i tij, ai nuk është një vaj i vërtetë, pasi nuk përmban yndyrë.
Për shkak të përdorimit të vajit të rozmarinës në mjekësinë popullore, shumë shkencëtarë tani po testojnë përfitimet e tij të mundshme shëndetësore.
Këtu janë 14 përfitimet dhe përdorimet e mundshme të vajit esencial të rozmarinës.
1.Mund të përmirësojë funksionin e trurit
Në Greqinë dhe Romën e lashtë, rozmarina mendohej se forconte kujtesën.
Studimet tregojnë se marrja e vajit të rozmarinës ndihmon në parandalimin e ndarjes së acetilkolinës, një kimikat i rëndësishëm i trurit për të menduarit, përqendrimin dhe kujtesën.
Studime të tjera sugjerojnë se vaji i rozmarinës dhe vajrave të tjerë esencialë mund të përmirësojë funksionin e trurit tek të moshuarit me demencë, përfshirë ata me sëmundjen e Alzheimerit.
2.Stimulon rritjen e flokëve
Një nga llojet më të zakonshme të rënies së flokëve është alopecia androgjenetike (tullacëria), e cila më së shumti prek meshkujtë, por mund të prekë edhe femrat.
Vaji i rozmarinës trajton alopecinë androgjenetike duke parandaluar që një nënprodukt i testosteronit të sulmojë folikulat e flokëve tuaj, i cili është shkaku i kësaj gjendjeje .
Kur burrat me alopeci androgjenetike masazhuan vaj rozmarine të holluar në rrënjën e flokut dy herë në ditë për gjashtë muaj, ata përjetuan të njëjtën rritje të trashësisë së flokëve si ata që përdorën minoxidil (Rogaine), një ilaç i zakonshëm për rritjen e flokëve.
Përveç kësaj, ata që përdorën vajin e rozmarinës raportuan më pak kruajtje të kokës në krahasim me minoxidil, gjë që sugjeron se rozmarina mund të jetë më e tolerueshme.
Studime të tjera tregojnë se vaji i rozmarinës mund të luftojë humbjen e flokëve, ose alopecia areata, e cila prek deri në gjysmën e popullsisë nën moshën 21 vjeç dhe rreth 20% të njerëzve mbi 40 vjeç.
3.Mund të ndihmojë në lehtësimin e dhimbjes
Në mjekësinë popullore, rozmarina përdoret si një qetësues i dhimbjeve.
Në një studim dy-javor, personat me dhimbje në shpatull, të cilët morën një përzierje vaji rozmarine me akupresurë për 20 minuta dy herë në ditë, përjetuan një reduktim 30% të dhimbjes. Ata që morën vetëm akupresurë kishin një reduktim 15% të dhimbjes.
4.Mund të lehtësojë stresin
Shumë faktorë mund të shkaktojnë stres. Përdorimin i vajit të rozmarinës mund të ndihmojë në reduktimin e ankthit.
Kur studentët e infermierisë merrnin vaj rozmarine para dhe gjatë kohës së testimit, pulsi i tyre u ul me rreth 9% – ndërsa asnjë ndryshim i rëndësishëm nuk ndodhi pa vaj rozmarine.
Për shkak se ritmet e rritura të pulsit reflektojnë stresin dhe ankthin afatshkurtër, vaji i rozmarinës mund të zvogëlojë natyrshëm stresin.
Për më tepër, kur të rriturit nuhatën vaj rozmarine për 5 minuta, pështyma e tyre kishte 23% nivele më të ulëta të kortizolit të hormonit të stresit në krahasim me ata që nuhatën një përbërje jo-aromatike.
Rritja e niveleve të kortizolit mund të dobësojë sistemin tuaj imunitar, të kontribuojë në pagjumësi dhe të shkaktojë luhatje të humorit, midis problemeve të tjera të mundshme.
5.Mund të përmirësojë qarkullimin e gjakut
Qarkullimi i dobët I gjakut është një ankesë e zakonshme. Ju mund ta vini re atë më së shumti në duart dhe këmbët tuaja.
Nëse keni gishta dhe këmbë të ftohta – edhe në temperatura relativisht të ngrohta – vaji i rozmarinës vlen të merret në konsideratë.
Nëse keni sëmundjen e Raynaud, enët e gjakut në gishtat e duarve dhe këmbëve tuaja ngushtohen kur jeni të ftohtë ose të stresuar, duke bërë që ato të humbasin ngjyrën e tyre dhe të ftohen.
Vaji i rozmarinës mund të ndihmojë duke zgjeruar enët tuaja të gjakut, duke ngrohur kështu gjakun tuaj në mënyrë që të arrijë më lehtë në gishtat e dorës dhe këmbëve.
Nevojiten më shumë kërkime për të konfirmuar këto efekte – por rozmarina mund të jetë e vlefshme dhe me kosto të ulët.
6.Zvogëlon inflamacionin e kyçeve
Provat paraprake sugjerojnë se vaji i rozmarinës mund të ndihmojë në reduktimin e inflamacionit të indeve që mund të çojë në ënjtje, dhimbje dhe ngurtësi.
Kur njerëzve me artrit reumatoid iu masazhua gjuri për 15-minuta duke përdorur një përzierje vaji rozmarine tri herë në javë, ata patën një rënie prej 50% të dhimbjes inflamatore të gjurit në dy javë, krahasuar me një rënie prej 12% në ata që nuk iu përdor vaji.
Artriti reumatoid është një gjendje autoimune në të cilën sistemi imunitar i trupit tuaj sulmon indet, si gjunjët dhe nyjet e tjera, duke dëmtuar rreshtimin e kyçeve dhe duke shkaktuar inflamacion.
Nevojiten më shumë kërkime mbi ndikimin e rozmarinës në inflamacion.
7.Largon insektet
Për të parandaluar insektet e dëmshme që mund të infektojnë kopshtin tuaj, konsideroni vajin e rozmarinës si një alternativë natyrale ndaj produkteve kimike.
Kur një pesticid me bazë vaji rozmarine, EcoTrol, u spërkat mbi bimët e domates në serrë, ai reduktoi popullsinë e marimangave me 52% pa dëmtuar bimët.
Rozmarina gjithashtu ndihmon në largimin e disa insekteve që mund të përhapin viruse dhe baktere të dëmshme.
Kur vaji i rozmarinës u studiua kundrejt 11 vajrave të tjerë esencialë, ai pati efektin më të gjatë kundër mushkonjave Aedes aegypti, të cilat përhapin virusin Zika. Një hollim prej 12.5% vaj rozmarine largoi 100% të mushkonjave për 90 minuta.
Përdorime të tjera
Shkencëtarët po studiojnë disa përdorime të tjera të vajit të rozmarinës.
Megjithatë, vaji i rozmarinës mund të jetë i dobishëm për:
- Kancerin: Rozmarina ka efekte antioksiduese dhe anti-inflamatore, të cilat mund të luftojnë qelizat e kancerit.
- Mëlçia dhe tretja: Studimet tregojnë se vaji i rozmarinës mund të stimulojë largimin e gurëve të gypit bilar dhe të aktivizojë mekanizmat mbrojtës antioksidues për të mbrojtur mëlçinë tuaj.
- Helmimi nga ushqimi: Vaji i rozmarinës mund të ndihmojë në pengimin e rritjes së llojeve të caktuara të baktereve që shkaktojnë helmim ushqimi.
- Efektet tek antibiotikët: Rozmarina dhe vajra të tjerë esencialë mund të rrisin efektivitetin e disa antibiotikëve. Kjo mund të lejojë një dozë më të ulët të këtyre barnave.
Vaji esencial i rozmarinës ka qenë prej kohësh i popullarizuar në mjekësinë popullore dhe tani po rezulton i dobishëm në studimet shkencore.
Megjithëse shumica e studimeve janë paraprake, studimet vënë në dukje se ky vaj esencial mund të përmirësojë shëndetin tuaj duke përmirësuar fokusin mendor dhe kujtesën, duke luftuar rënien e flokëve, duke lehtësuar dhimbjen dhe inflamacionin, duke larguar disa insekte dhe duke lehtësuar stresin./Healthline.com
