Sa herë që dikush përmend menten, trurit menjëherë kujton efektin e saj të freskët. Ajo gjithashtu sjell përfitime shëndetësore, që mund të përfshijnë lehtësimin e tretjes, përmirësimin e funksionit të trurit dhe largimin e erës së keqe të gojës.
Ndërkohë që mentja nuk konsumohet zakonisht në sasi të mëdha, ajo përmban një sasi të konsiderueshme lëndësh ushqyese.
Në fakt, vetëm 2 lugë gjelle (11.4 gram) mente përmban:
- Kalori: 5
- Fibra: 0.8 gram
- Vitaminë A: 3% e Vlerës Ditore (DV)
- Hekur: 8% e DV
- Mangan: 6% e DV
- Folat: 3% e DV
Hulumtimet dëshmojnë se komponimet e gjetura në mente kanë vetitë e mëposhtme:
- Antifungale
- Antivirale
- Antikancerogjene
- Antibakterial
- Antioksidant
Përfitimet shëndetësore
Mentja është një nga barishtet më të vjetra të kuzhinës që përmirëson shijen dhe aromën e gjellës dhe ofron një sërë përfitimesh të shëndetësore, si:
-Mentja është e pasur me minerale të ndryshme, duke përfshirë hekurin, kaliumin dhe manganin, të cilat janë thelbësore për prodhimin e hemoglobinës dhe përmirësojnë funksionin e trurit.
-Mentja është një burim i mirë i vitaminës A dhe folatit. Vitamina A është kritike për shikimin dhe shëndetin e syve tanë. Folati është thelbësor për zhvillimin nervor te fëmijët.
-Përbërja e mentolit ndihmon në lehtësimin e problemeve të ndryshme të tretjes, të tilla si stomaku i mërzitur, dispepsi, dhimbje stomaku, fryrje dhe simptoma të sindromës së zorrës së irrituar (IBS). Mentoli ofron efekte relaksuese në muskujt e stomakut, duke lehtësuar kështu simptomat e IBS.
-Përtypja e gjetheve të freskëta të mentes ose konsumimi i çajit të nenexhikut mund të ndihmojë me erën e keqe të gojës duke pakësuar bakteret shkaktare.
-Mentol përmirëson frymëmarrjen. Kështu thithja e aromës së mentes ose vajit të mentes lehtëson simptomat e ftohjes dhe gripit.
Burimi: https://www.healthline.com/nutrition/mint-benefits#TOC_TITLE_HDR_6
