Simptomat janë fshehura, prandaj kushtojini vëmendje
Ne nuk i kushtojmë rëndësi vlerave të kaliumit, por duhet. Ai është i rëndësishëm për forcimin e muskujve, funksionimin e sistemit nervor dhe për shëndetin kardiovaskular, shprehen ekspertët. Vlerat ushqyese janë në shumë ushqime të shijshëm ( siç janë: pjepri, avokado, banania dhe fasulet e bardha). Ndonëse ju merrni vlerën e rekomanduar 4,700 mg, përsëri mund të keni mungesë. Pse? Sa më shumë natrium që merrni, aq më shumë kalium nxjerr trupi, thonë ekspertët. Fakti që trupi juaj mund të kërkojë më shumë është e vështirë të kuptohet por, nëse ju përjetoni një nga shenjat dhe nuk mund ta kuptoni çfarë mund të keni, atëherë është më mirë të konsultoheni me mjekun tuaj për të testuar nivelet e kaliumit.
Ndiheni të lodhur
Çdo qelizë e trupit kërkon masën e duhur të kaliumit për të funksionuar dhe mungesa e tij mund të ketë si pasojë lodhjen kronike.
Pra, nëse sesioni juaj i rregullt i ushtrimeve ju lë të lodhur dhe ju e dini që po flini sa duhet, atëherë kaliumi mund të jetë shkaku.
Keni presion të lartë të gjakut
Kaliumi ndihmon në relaksimin e enëve të gjakut. Mos marrja mjaftueshëm e kaliumit sjell në ngushtimin të enëve të gjakut, duke çuar kështu në rritjen e presionit të gjakut.
Konsumoni ushqime të shpejta
Konsumimi i ushqimeve të përpunuara sjell në nivel të ulët të kaliumit për shkak të përmbajtjes së natriumit të patatinave, ushqimet e ngrira dhe biskotave. Mundohuni të mos konsumoni produkte të kripura për të ndihmuar në mbajtjen e kaliumit të marrë nga produktet që ju konsumoni.
Keni dobësi dhe dhimbje të muskujve
Kaliumi luan rol në zbutjen e kontraktimeve të muskujve, prandaj kur nivelet e kaliumit janë të ultë, ju mund të përjetoni dhimbje dhe gulçime.
Zemra juaj rreh shpejt
Është e frikshme kur zemra papritur fillon të rrahë fortë apo shumë shpejt pa patur asnjë shkak. Shumë arsye mund të jenë shkaktarë të rrahjeve të shpejta të zemrës ose dridhje, një nga shkaktarët është dhe niveli i ulët i kaliumit.
Marrje mendsh ose gjendje të fikëti
Rënia e madhe e niveleve të kaliumit mund të ngadalësoje rrahjet e zemrës aq sa ju mund të përjetoni një gjendje të fikëti. Është e zakonshme dhe ka shumë faktorë të cilët mund të jenë arsyet, por nëse përjetoni diçka të tillë, është mirë të kontrolloheni nga një mjek menjëherë.
Kapsllëku
Mund t’iu duket çmenduri por niveli i ulët i kaliumit mund të ngadalësojë funksione të tjera të trupit dhe sistemi juaj tretës nuk bën përjashtim. Mund të përjetoni dhe fryrje të barkut apo dhimbje abdominale. Sigurisht, mangësia në kalium nuk është e vetmja që mund t’ju bëjë të ndiheni të fryrë.
Ndjesi shpimi apo mpirje
Kaliumi mund t’ju ndihmojë në shëndetin nervor dhe pa të ju mund të përjetoni atë ndjesinë e padurueshme të mpirjes dhe shpimit me gjilpërë.
Burimi: Prevention/ Shendeti.com.al
