Përshtati në shqip për “Shëndet+”: Daniela Bardhi
Mëlçia është një nga organet më të rëndësishme të trupit sepse bën të mundur tretjen e ushqimit dhe largon substancat toksike. Sëmundjet e mëlçisë mund të jenë të trashëguara (gjenetike) ose të shkaktuara nga një sërë faktorësh që dëmtojnë mëlçinë si obeziteti, alkooli, sëmundjet e ndryshme etj.
Shenjat që tregojnë se keni probleme me mëlçinë:
- Lëkurë e verdhë
- Kur e bardha e syve kthehet e verdhë
- Dhimbje dhe fryrje barku
- Enjtje të këmbëve dhe kyçeve
- Lëkurë e thatë
- Ngjyrë e errët e urinës
- Lodhje kronike
- Të vjella
- Humbje oreksi
Duhet të konsultoheni me mjekun menjëherë pasi të vini re ndonjë nga simptomat e mësipërme nëse ju shfaqen në mënyrë të vazhdueshme.
Shkaqet që shkaktojnë problemet e mëlçisë:
Infeksionet: parazitët dhe viruset mund të infektojnë mëlçinë, shkaktojnë inflamacin dhe prishin funksionin e mëlçisë. Llojet më të zakonshme të infeksioneve të mëlçisë janë viruset e hepatitit duke përfshirë hepatit A, hepatit B, hepatit C.
Sëmundjet autoimune
Faktorët që mund të rrisin rrezikun e sëmundjeve të mëlçisë:
- Përdorimi i alkoolit
- Injektimi i drogërave
- Përdorimi i gjilpërave të përbashkëta
- Marrëdhëniet seksuale të pambrojtura
- Ekspozimi ndaj kimikateve të caktuara apo toksinave
- Diabeti
- Mbipesha
- Nivelet e larta të triglicerideve në gjak.
Komplikimet e sëmundjeve të mëlçisë ndryshojnë në varësi të shkakut të problemit që keni me mëlcinë. Nëse problemet me mëlçinë nuk trajtohen mund të çojnë në rrezikshmëri për jetën./ Burimi: mayoclinic.org
