Hithra është një bimë, e cila ka përdorim mjekësor dhe përbën një pastrues të shkëlqyer për organizmin në qoftë se merret në fillim të pranverës. Është shumë mirë të përdoret edhe si zarzavate.
Përbërësit: histaminë, acid formik, acetik kolinë, serotomninë, minerale, vitaminë A, B, C.
Veprimi: Astrigent diuretik, tonik, ushqyes, ndalon hemoragjinë, stimulues i qarkullimit, ul nivelin e sheqerit në gjak, nxit rrjedhjen e qumështit. Hithra merr minerale nga toka duke përfshirë hekurin dhe pjesët e saj që është një tonik i mirë për të trajtuar aneminë, me përqindje të lartë që përmban vitaminë C që bën të përthithet shumë mirë nga zorra. Pastron acidin urik nga qarkullimi dhe është shumë mirë të përdoret në rastet me artrit dhe ndihmon në ndalimin e hemoragjisë. Hithrat djegin për shkak të histaminës që përmbajnë dhe acidit formik.
Rrënja e hithrës zakonisht është përdorur si balsam për flokët por studimet e fundit kanë treguar se është një kontrolluese e mirë e problemeve të prostatës.
Përdorimi:
Çaji i gjetheve: merret për të stimuluar qarkullimin e gjakut dhe për të pastruar gjakun në artrit, reumatizëm, ekzemë.
Kompresë: njomeni një leckë në lëng dhe vendoseni mbi kyçet e ënjtura nga artriti, ose shiatiku.
Pomada: vendoset në rastet me hemorroide.
Shpëlarja: me lëngun e nxjerrë disifektoni plagët e djegura, pickimet e insekteve dhe plagët e tjera të infektuara. Zieni komplet bimët dhe pijeni lëngun për të kuruar aneminë. Thithni me hundë pluhurin e bimës dhe përdoreni për të ndaluar gjakderdhjen nga hunda. Kompresa nga dekokti i rrënjës përdoret për të shpëlarë flokët në rast zbokthi dhe rrëniës së tyre./Hysni Dankshi, mjek alternativ
