Përgjigje nga mjeku neurolog Agron Islamaj: Sëmundjet e enëve të gjakut të trurit po prekin gjithnjë e më shumë të rinjtë, sepse ka ndryshuar mënyra e jetesës. Emocionet e shumta, streset, përdorimi i duhanit, jeta ndenjur palëvizur (apo sedentare), mënyra e ushqyerjes etj janë vetëm disa nga faktorët. Dua të theksoj që stresi është faktori kryesor që këto sëmundje po prekin moshat e reja.
Një tjetër faktor që ndikon, është edhe tensioni i rritur, i cili shkaktohet gjithashtu nga stresi ose emocionet e forta.
Faktor tjetër është edhe mbipesha, po kështu edhe disa sëmundje të tjera që ndikojnë apo rrisin mundësinë për t’u prekur prej sëmundjeve të enëve të gjakut, siç janë diabeti, sëmundjet e gjakut (anemia), faktorët klimaterikë (dimri dhe vera) që shoqërohen me ndryshime të mëdha të presionit atmosferik. Përveç këtyre, një varg faktorësh të tjerë që rrisin mundësinë për t’u prekur nga sëmundjet e enëve të gjakut të trurit janë përdorimi i kontraceptivëve tek gratë në mënyrë jokorrekte (pa konsultë nga mjeku specialist), por edhe prezervativët.
