Punoj gjatë gjithë kohës ulur dhe përpara kompjuterit. Prej disa muajsh kam pasur një dhimbje në shpatullën e djathtë, e cila tani më ka kaluar edhe në pjesën e përparme të krahut. Është një dhimbje tepër e fortë sa ndonjëherë më duket sikur nuk 
e përdor dot fare krahun. Dhimbja më pushon nëse lë punën, por në momentin e parë që bëj një veprim me dorën e djathtë, më vijon sërish. Mundohem të bëj edhe pushim hera-herës, por prapë më fillon. A mund të më thoni se ç’duhet të bëj?
Përgjigjet mjekja reumatologe, Julia Kollçaku
Kjo mund të jetë në kuadrin e një osteotendinoze të artikulacionit të supit, të anës qëi dhemb e cila rëndohet nga mbipërdorimi i krahut. Ose mund të kemi të bëjmë me spondiliartrozë cervikale. Ka nevojë për një rezonancë magnetike për të vendosur diagnozën e saktë. Është mirë që pacienti të lidhet me mjekun e familjes e më tej me specialistin reumatolog të poliklinikës përkatëse, në mënyrë që të përcaktohet tamam problemi që ka. Nuk është mirë që situata të lihet pas dore, pasi mund të rëndohet.
