Pyetje e ardhur në info@shendeti.com.al
Nëna ime është 49-vjeçare, vuan shpesh nga dhembjet e forta në gjoks, nga ana e zemrës ka dhimbje të forta, jo vazhdimisht ama kur i ndodh ka shtrëngime të forta. Dhembja po ia ndalon edhe frymën. E 
kemi pasur te shumë kardiologë, të gjitha rezultatet për zemrën i dalin mirë. Nganjëherë kur ka dhimbje të forta, mbetet edhe pa vetëdije, i mpihen duart. A mund të jetë kjo shenjë infarkti?
Përgjigje nga mjekja kardiologe Manjola Liko
Fakti që ju i keni kryer vizitat tek kardiologu dhe çdo gjë ka dalë mirë, tregon se shqetësimet që paraqet nëna juaj nuk vijnë nga zemra, ndoshta janë me natyrë nervore. Infarkti i miokardit është një sëmundje akute, e cila nuk mund të neglizhohet nga kardiologët me të cilët jeni konsultuar. Ndoshta duhet të bëni një vizitë tek neurologu.
