Përshëndetje! Nëse është e mundur, desha të di efektet e mjaltit tek të sëmurët me diabet. Faleminderit!
Përgjigjet Dashamir Gjergji, mjek endokrinolog në Poliklinikën e Specialiteteve Nr.3, Tiranë.
Në popullatë qarkullon rëndom mendimi se mjalti i bën mirë diabetit, por si një produkt super i koncentruar, sigurisht që ne nuk e rekomandojmë pasi nuk ka asnjë efekt pozitiv nga ana e trajtesës së diabetit. Megjithatë, jo të gjithë llojet e mjaltit kanë të njëjtën efekt apo përqindje sheqeri. Për shembull, mjalti i gështenjës, maresë, dëllinjës, akacias etj, që janë pak të hidhur dhe kanë përqindje më të ulët sheqeri, edhe mund edhe të përdoren nga pak, por që parimisht më e mira për këta pacientë do të ishte që të mos e konsumojnë fare, pasi vetëm e përkeqëson sëmundjen duke rritur nivelin e sheqerit në gjak./ Shendeti.com.al
