Jam operuar ka 5 muaj nga gurët në veshka, mirëpo pas një muaji kanë filluar të më enjten këmbët dhe duart. Menjëherë jam shtruar, kam qëndruar 2 javë, mirëpo asnjë ndryshim, edhe pse i kam bërë të gjitha llojet e analizave.
Përgjigjet mjeku Alketa Koroshi, nefrolog
Përgjithësisht një pacient që vuan nga gurët në veshka nuk bën enjtje të këmbëve dhe të duarve. Enjtjet përgjithësisht janë fenomene që kanë lidhje me sëmundje të mëlçisë ose me sëmundje të zemrës. Nëse një i sëmurë është me cirrozë të mëlçisë, ai bën enjtje dhe fryrje barku. Ose një i sëmurë me insufiçensë kardiake, edhe ai bën enjtje. Në të sëmurët me sëmundje të veshkave bëjnë enjtje vetëm të sëmurët që janë me albuminë shumë në urinë. Ata që janë me glomerulonefrite. Diagnozat e tjera të veshkave siç janë gurët në veshka nuk bëjnë enjtje./ Shendeti.com.al
