Pyetje e ardhur në info@shendeti.com.al/FB: Gazeta Shendeti
Përshëndetje! Kam konsumuar marijuanë mbi 10 herë. Tani unë kam ankesë me frymëmarrjen, nuk 
ngopem mirë me frymë. Ju lutem, a mund të më ndihmoni duke më treguar efektet dhe a ka ndonjë kurim?
Përgjigjet për gazetën “Shëndet+” mjekja ORL Anjeza Kuçi
Nëse është përdorur 10 herë marijuanë, nuk ka ndonjë efekt të dukshëm anësor në hundë. Përdorimi i zgjatur i marijuanës mund të japë dëmtim kronik të mukozave të hundës deri në atrofi të mukozave. Duhet të bëni patjetër një vizitë te mjeku otorinolaringolog (ORL) për këto ankesa që referoni, pasi mund të keni ndonjë problem shoqërues të hundës: zmadhim (hipertrofi) të mishrave të brendshëm të hundës, shtrembërim të perdes ndarëse etj.
