Përshëndetje! Kam një njollë të madhe në lëkurë (në pjesën e kurrizit) që nga lindja. Njolla është në ngjyrë të errët dhe me qime. Ju lutem, a mund të më thoni se çfarë mund të jetë dhe a mund të hiqet?
Përgjigjet Selman Lirza, mjek dermatolog pranë Poliklinikës së Specialiteteve Nr. 3, Tiranë.
Duke u nisur nga ajo çfarë pacienti shpjegon, besoj se kemi të bëjmë me nevus (nishan), i cili, me rritjen e personit, është zmadhuar duke u bërë i dukshëm. Nuk ka asgjë për t’u shqetësuar. Qimet që janë më të gjata dhe më të dukshme në këtë pjesë janë karakteristike dhe na bindin neve për diagnozën. E vetmja mënyrë për ta hequr është operacioni plastik, por unë nuk do jua rekomandoja për shkak të sipërfaqes së madhe që nevusi shtrihet./ Shendeti.com.al
