Përshëndetje! Shpesh herë më ndodh që më ndryshon ngjyra e thonjve nga ajo normale. Nuk kam patur mundësi të takoj një mjek dermatolog, kështu që a mund t’ju pyes ju lutem se pse mund të ndodhë kjo?
Përgjigjet mjekja dermatologe Ardiana Sinani
Ndryshimi më i shpeshtë i ngjyrës ndodh nga infektimi i thoit me pseudomonas aeruginosa, një bakter që pas infektimit i jep ngjyrë në jeshile thoit. Ndodh shpesh tek personat që përdorin shumë ujin dhe mbajtjen e duarve në ujë, si pjatalarësit, banakierët, kuzhinierët etj.
Trajtimi në këtë rast mbas vendosjes së saktë të diagnozës, është mbajtja e thonjve të sëmurë në acid acetik ( uthull) për 5 minuta në ditë për 2 javë rresht. Dhe përdorimi i pomadave me antibiotikë./ Shendeti.com.al
