Përshëndetje. Pse shfaqen strijat në lëkurë? A ka ndonjë shpjegim për këtë? Kam strija në pjesën e kofshëve. Kam përdorur lloj-lloj metodash popullore por nuk janë zhdukur.
Përgjigjet mjekja dermatologe Violeta Dajçi
Strijat shfaqen si pasojë e tendosjes së tepërt të lëkurës. Shtresa e mesme lëkurës, derma, është e ndërtuar nga indi lidhor dhe fijet e kolagenit e të elastinës. Këto fije i japin lëkurës tonus dhe elasticitet.
Në rast se këto fije për arsye të ndryshme tërhiqen jashtë mundësive të elasticitetit të tyre, atëherë këputen. Këputja e tyre shfaqet në sipërfaqe, në trajtën e strijeve të lëkurës.
