Përshëndetje! Ju lutem, a mund të pyesni një mjek okulist sa herë në vit duhet të kryejnë vizita për sytë pacientët që vuajnë nga diabeti?
Përgjigjet Stela Ceca, mjeke okuliste
Në rastin e diabetit të tipit 1 ekzaminimi i parë i fundusit duhet të bëhet brenda 3-5 vite nga diagnoza e diabetit, ndërsa në rastin e pacientëve me diabet të tipit 2 ekzaminimi i parë duhet bërë që në momentin e parë të diagnostikimit. Kontrollet bëhen çdo vit nëse ekzaminimi i parë rezulton pa shenja të retinopatisë diabetike. Në rast se pacientit i diagnostikohet retinopatia diabetike, atëherë në bazë të formës dhe gravitetit të saj vizitat e tjera mund të bëhen pas 3, 6 ose 12 muajsh./ Shendeti.com.al
