Kjo pjatë mund të shërbehet edhe si pjatë e vetme.
Përbërësit për brumin e qofteve.
- 500 gr mish i grirë
- 1 vezë
- 3 thelpinj hudhre e grirë
- Pak nenexhik
- Pak piper
- Pak kripë
- ½ lugë gjelle miell
- ½ lugë gjelle vaj ulliri
Përbërësit për salcën
- 1 qepë e vogël
- 1 degë selinoje
- 5 gjethe borziloku
- 5-6 lugë vaj ulliri
- 6 thelpinj hudhre
- Pak kripë pak piper
- 300 ml salcë domate
- 350 gr bizele të ziera
Përgatitja
Për qoftet: i përziejmë të gjithë përbërësit në një enë qelqi. Pastaj i shtojmë pak miell sa të mbledhim brumin dhe pak vaj ulliri. Pasi e mblodhëm mirë, e ndajmë brumin në pjesë të vogla si lajthi. I vendosim qoftet e vogla në një tavë e ndërkohë përgatisim salcën.
Në një tigan me kapak hedhim vaj ulliri dhe qepën e grirë hollë. I kavërdisim mirë e më pas shtojmë selinonë e grirë me grirësin elektrik dhe hudhrën e grirë. I trazojmë mirë e më pas shtojmë salcën e domates. I mbulojmë me kapak dhe i lëmë disa minuta të ziejnë. Më pas i shtojmë 150 ml ujë të ngrohtë dhe sa të fillojë të marrë valë, shtojmë qoftet dhe bizelet.
Të gjitha bashkë i lëmë të ziejnë ngadalë përreth 30 minuta duke e mbuluar tiganin me kapak.
Qoftet me bizele i shërbejmë të ngrohta duke i shoqëruar me feta buke.
Ju bëftë mirë!
