Denisa Canameti
Karta e re e shëndetit u prezantua disa ditë më parë. Në Qendrën Shëndetësore të Kamzës rezulton se në orën 8 të mëngjesit kanë qenë regjistruar plot 38 njerëz. “Kemi ardhur që në 6 të mëngjesit për të mbajtur radhën”, shprehen disa persona. Por pse presin aq gjatë? Rezulton se çdo person që zë radhën ka me vete të gjitha dokumentet e familjarëve në dorë. Si rrjedhojë, secili
Kamzë, radhët e pritjes për kartat e shëndetit
merr 4 ose 5 karta, në varësi të numrit të familjarëve dhe më pas largohet. Punonjësit thonë se nga mëngjesi deri në në orën 14:00 kanë dalë plot 250 karta shëndeti. Kjo ka detyruar punonjësit e qendrës që të shtyjnë edhe oraret. Nën zë ata thonë se edhe për ta është shumë e vështirë, pasi qendra ka vetëm një kompjuter dhe personi që e përdor, është shumë i ngathët.
Kartë shëndeti
Karta e shëndetit zëvendëson librezën shëndetësore dhe nuk ka nevojë për rinovim. Për të marrë kartën shëndetësore duhen:
-Karta e identitetit: për fëmijët deri në moshën 16 vjeç në mungesën e kartës së identitetit paraqitet certifikata e gjendjes civile ose pasaportë (fotokopje).
-Vërtetim regjistrimi pranë mjekut të familjes, ku personi është i regjistruar.
Dokumentacioni që vërteton kategorinë përfituese dhe afatin e përfitimit.
-Pensionistët: librezë pensioni (fotokopje)
-Invalidët: vërtetim kempi (fotokopje)
-Studentët: vërtetim shkolle (fotokopje)
-Të punësuarit: librezë kontributesh (fotokopje)
-Të papunët: kartelën e papunësisë (fotokopje)
