Rasti i kirurgut të Durrësit që u dhunua nga të afërmit e një pacienti ngjalli jo pak reagime midis bluzave të bardha. Këta të fundit u solidarizuan me mjekun e dhunuar. Tritan Kalo, mjek infeksionit pranë QSUT-së thekson faktin se “nuk duhet të kujtohemi për asnjë çast të dalim në përkrahje të kolegëve, vetëm kur ndodhin ngjarje të tilla aspak të pëlqyeshme” dhe se “dinjitetin e kemi fituar përditë me punë vetëmohuese dhe politikbërësit tanë nuk munden për asnjë çast ta nëpërkëmbin atë”.
Lidhur me deklaratën e Ministrisë së Shëndetësisë e cila u shpreh se dënonte ashpër dhunën ndaj bluzave të bardha ka reaguar Gëzim Xhepa, pedagog i Fakultetit të Mjekësisë e njëkohësisht kirurg plastik pranë QSUT-së. Ai thekson faktin se e njëjta ministri, që me të ashtuquajturën luftë antikorrupsion inkurajon dhunimin e gryksëve të bardha, aktualisht kërkon vendosjen e drejtësisë”. “Deri kur, si komunitet profesional do të pranojmë dhunimin dhe denigrimin nga të gjithë ngjyrat politike dhe do të mbartim në kurriz shkarkesat psiqike të një populli të dëshpëruar” .
Përgatiti për “Shëndet+”: Denisa Canameti
