Rolina Naço, dietologe
Përbërësit:
- 80 gr rrush të thatë
- 2 patëllxhanë të mëdha
- 50 gr pisha
- 150 gr djathë të grirë
- Lëkura e një limoni
- 1 lugë e vogël cumin
- 200 gr bukë të thërrmuar
- 3 vezë
- Kripë, piper,vaj ulliri dhe pak miell.
Rrushin e thatë e lëmë për 10 minuta në ujë të ngrohtë, e kullojmë dhe e lëmë mënjanë.
Presim patëllxhanët në copa, i ziejmë në një tenxhere me ujë dhe kripë, i kullojmë nga ujë dhe i lëmë dhe ato menjanë. Me duar mundohemi që të heqim nga patëllxhanët ujin, i presim në copa shumë të vogla. I shtojmë pishat,djathin, lëkurën e limonit, cumin, bukën e thërrmuar, 2 vezë, rrushin dhe kripën me piperin. I përziejmë të gjithë përbërësit shumë mirë. Krijojmë topka të vogla 40 gr dhe i vendosim në një tapsi. I vendosim në frigorifer për 30 minuta.
Pasi i nxjerrim, vendosim në 3 pjata të ndryshme,vezë, në një miell dhe në një bukë të thërrmuar.
Kalojmë çdo topkë nga mielli, të veza dhe në fund të buka e thërrmuar.
Në një tigan të thellë vendosim vaj , dhe i skuqim për 2-minuta. Pasi I skuqim I vendosin në një pjatë me letër kuzhinë që të hiqet sa më shumë vaji.
Mund ta shoqërojmë me pak kos, ku I kemi hedhur sipër pak cumin dhe majdanoz.
