Përgatiti: Arlinda Gjypi
Frymëmarrja me bark (diafragmatike) realizohet duke kontraktuar diafragmën, një muskul i vendosur horizontalisht mes pjesës së kraharorit dhe 
stomakut (plaçkave të barkut, do të thonin të vjetrit). Ajri hyn në mushkëri dhe barku zmadhohet gjatë kësaj lloj frymëmarrjeje. Kjo frymëmarrje e thellë realizohet përmes zgjerimit të abdomenit (barkut) dhe jo me zgjerim kraharori. Konsiderohet të jetë mënyra më e shëndetshme për të marrë frymë dhe gjithashtu vlerësohet shumë në trajtimet alternative (popullore).
Frymëmarrja me bark këshillohet shumë në joga dhe tai çi, si një mënyrë për të përmirësuar qarkullimin e gjakut, por edhe për të qetësuar mendjen. Ndaj këshillohet që frymëmarrja të zhvendoset nga kraharori në pjesën e barkut.
Për ta mësuar këtë, vendosni duart mbi bark dhe nxirrni frymë. Pastaj merrni frymë duke fryrë barkun. Mbajtja e duarve mbi bark ju ndihmon, pasi stimulon trurin që ta zhvendosë atje frymëmarrjen. Kjo frymëmarrje mësohet më lehtë kur jeni shtrirë.
Frymëmarrja diafragmatike është shumë e këshilluar edhe nëse merreni me sport.
