Shëndeti është gjëja më e rëndësishme për njeriun dhe kur ke shëndet të plotë, në punë je më produktiv dhe në familje përkushtohesh më tepër
Arlinda Gjypi
Për Rudinën, fjala e urtë “t’u bëftë gjak e dhjamë” nuk është aspak e dëshirueshme, duke konsideruar kilet e shumta që i është dashur të heqë për të qenë në formë në shfaqjet e saj. Të gjithë e njohin përmes prezantimit në “Portokalli” e tashmë në “Al Pazar” të rolit të Jozefina Topallit, 
por edhe si shoqëruese e denjë e “Shokut Agron”. Dhe për të arritur aty, i është dashur vërtet shumë punë. Nëse kërkon ta takosh, është mirë të bësh një “shëtitje” andej nga studiot dhe të shpresosh të mos jetë shumë e zënë. E megjithatë, në atë periudhën e lodhjes, arrin të gjejë kohën edhe për një intervistë për “Shëndet+” dhe për pak humor.
Rudina, ma përshkruaj pak si fillon dita jote…
Dita ime e zakonshme nis në orën 8. Një gotë qumësht ose fruta sa për “hapje”, ujë të ftohtë fytyrës dhe pastaj një orë para dollapit me monologun e brendshëm: “Çfarë të vesh?!” Kjo ndodh rregullisht çdo mëngjes. Më tej, një makijazh shumë i lehtë: sytë pothuaj natyral, buzët zakonisht me ngjyra të forta, transferoj flokët në anën që dua (që çdo mëngjes sigurisht janë në anën e gabuar), hedh parfumin, marr çantën, vë ndonjë palë vëthë dhe gjithmonë, po gjithmonë ama, duhet të kthehem prapë se kam harruar diçka (qesh).
Buzëqeshja të fillon që në mëngjes?
Sido që të jetë gjendja ime shpirtërore apo koha, unë kur hipi në makinë e ngre muzikën në maksimum. Pastaj bëj kryqin duke falënderuar Zotin që më ka bekuar me familjen dhe me punën që vërtet e dashuroj dhe paraqitem te kafja e punës me buzëqeshje dhe plot energji.
Pak ditë më parë përjetove një problem me shëndetin. Si do ta përkufizoje fjalën “shëndet”?
Shëndeti është gjëja më e rëndësishme e njeriut. Pa shëndetin nuk ka kuptim asgjë. Unë bëhem e bezdisshme për të tjerët kur më dhemb diku… vetëm ankohem (qesh).
(Intervistën e plotë mund ta lexoni në numrin e 14-30 prillit 2014 të gazetës “Shëndet+”)
