Përshtati në shqip për gazetën “Shëndet+”: Blertina Koka
Një studimi i ri sugjeron se seksi oral rrit rrezikun për t’u prekur nga kanceri i laringut. Mendohet se seksi oral mund të jetë shkaku kryesor i përhapjes së Papilloma Virus (HPV), një virus i transmetueshëm që ndodhet tek organet gjenitale të femrave dhe meshkujve dhe që mund të shkaktojë kancer në fyt.
Virusi HPV-16 njihet si një nga shkaktarët kryesorë të tumoreve orofaringeale, të cilat ndikojnë në pjesën e mesme të fytit, ku përfshihen qiellza e butë, buzët dhe bajamet. Virusi shkakton ndryshime në qelizat që ka infektuar (për shembull në fyt ose qafë) dhe këto qeliza mund të bëhen kancerogjene.
Studimi i publikuar në revistën “JAMA Oncology” është i pari që tregon përfundimisht se prezenca e virusit HPV-16 në gojë çon në zhvillimin e kancerit të laringut. Virusi HPV përhapet jo vetëm nga seksi, por edhe nga kontakti me lëkurën. Tek shumica e njerëzve, sistemi imunitar e lufton atë dhe nuk shkakton asnjë dëmtim. Por, në raste të rralla, virusi mund të shkaktojë kancer të mitrës, penisit, vaginës etj.
Pjesë e studimit ka qenë edhe një shqiptar, doktori Ilir Agalliu, i cili punon në Kolegjin e Mjekësisë “Albert Einstein” në Nju Jork. Në një intervistë të dhënë për Daily Mail, Dr. Agalliu u shpreh se studimi i kryer nga ekipi i tyre mund të ndihmojë në parashikimin e rrezikut për zhvillimin e kancereve të qafës dhe kokës tek njerëzit.
Burimi: Daily Mail
