Përgatiti për gazetën “Shëndet+”: Elena Beta
Të jeni në gjendje të identifikoni shenjat që ju tregojnë se keni një çekuilibër hormonal, është pika kyçe për një jetesë të shëndetshme. Ja disa nga shkaqet kryesore të cilat duhet t’i dini për të vijuar më tej vizitën tek mjeku!
Shtim konstant në peshë: Nëse keni ndonjë problem të vogël me peshën, kjo nuk do të thotë se dieta juaj nuk po funksionon si duhet. Ajo mund të jetë shenjë se keni çregullime hormonale. Kur prodhimi i kortisolit ndërpritet, (qoftë përmes stresit apo ndonjë arsye tjetër), jo vetëm që mund të shkaktojë shtim në peshë, por gjithashtu mund të akumulojë peshë në zona të caktuara të trupit.
Lodhje e vazhdueshme: Lodhja është një tjetër nga shenjat treguese se keni çekuilibër hormonal, veçanërisht nëse flini mjaftueshëm, por ende zgjoheni dhe ndjeheni të lodhur.
Humor i keq: humor i keq, nervozizëm, ankth dhe depresion mund të jenë shkaqe treguese se keni çrregullim hormonal.
Pagjumësi: shpesh, gratë që vuajnë nga menopauza përballen me problemet e gjumit. Pagjumësia është tregues i fuqishëm i çregullimeve hormonale.
Djersitje e tepërt: është një tjetër nga shenjat që tregojnë çekuilibër të hormoneve. Gratë në menopauzë (ose perimenopauzë) shpesh përjetojnë afshe të nxehta natën, kur janë në shtrat, këto janë të njohura si djersitje natën dhe nganjëherë janë shenjë paralajmëruese për fillimin e menopauzës.
Burimi: http://wisemindhealthybody.com/
