Përshëndetje! Jam një burrë 37 vjeç dhe doja të pyesja rreth një shqetësimi që më është shfaqur pak kohë më parë. Prej disa javësh më ndodh shpesh të kem një shije të hidhur në gojë, gjë që shtohet sapo ha diçka. Dua të di se nga se shkaktohet dhe çfarë duhet të bëj?”.
Me respekt: Altini
“Së pari do t’ju rekomandoja të bënit një vizitë te mjeku gastro-hepatolog, sepse shqetësimi që ngrini mund të jetë simptomë e një ndonjë problemi të aparatit gastro-intestinal. Por do t’ju rekomandoja që të bënit dhe një vizitë te dentisti juaj, sepse shija e hidhur mund të jetë e lidhur dhe me një pathologji të mundshme të gojës. Gjithësesi ju rekomandoj të bëni sa më parë këto kontrolle, në mënyrë që të merrni trajtimin e duhur sa më parë”.
