Shkencëtarët po prodhojnë një pilulë e cila mund t’i ndalojë njerëzit që të kryejnë vetëvrasje. Rezultatet e deritanishme tregojnë se kjo pilulë mund të ndalojë njerëzit të kenë mendime vetëvrasëse brenda shtatë ditësh. Gjatë testimeve në Universitetin e Uashingtonit, në Amerikë, u përdor një medikament i quajtur “buprenorphine”, i cili përdoret zakonisht për shërimin e dhimbjeve. Sipas shkencëtarëve, me të marrë këtë medikament, pacientët ndërruan mendim në vetëm një javë.
Nëse ky medikament do të rezultojë i suksesshëm edhe në studimet e tjera, atëherë mund të përdoret si ilaç që parandalon vetëvrasjet. Metodave tradicionale, si konsultat me psikologun apo marrja e ilaçeve kundër depresionit, iu duhen të paktën gjashtë muaj që të japin efekt.
Shkencëtarët ndërmorën nismën për të prodhuar një pilulë të tillë për shkak të rritjes së numrit të vetëvrasjeve në të gjithë botën.
Përshtati për gazetën “Shëndet+”: Blertina Koka/ Burimi: The Mirror
