Përshtati në shqip: Blertina Koka
Më shumë të rinj po vdesin nga sëmundje të lidhura me cirrozën e mëlçisë. Një studim i ri, i publikuar tek revista amerikane BMJ, ka zbuluar se numri i vdekjeve në SHBA për shkak të cirrozës është rritur me 65% dhe vdekjet nga kanceri i mëlçisë janë dyfishuar nga viti 1999 në vitin 2016.
Në këtë periudhë, vdekjet e lidhura me cirrozën janë rritur për çdo grup etnik si tek meshkujt ashtu edhe femrat.
Nga viti 2009 deri në 2016, shtimi i rasteve të vdekjes nga cirroza e mëlçisë është vërejtur tek grupmosha 25-34 vjeç, sipas dr. Elliot Tapper, profesor tek Universiteti i Miçiganit.
Abuzimi me alkoolin mendohet të jetë shkaku kryesor për rritjen e numrit të vdekjeve tek të rinjtë. Për të parandaluar këto fatkeqësi, prof. Tapper sugjeron që të rritet çmimi i alkoolit dhe të ndërgjegjëson të të rinjtë që të bëjnë kontrolle të herëpashershme tek mjeku.
Cirroza e mëlçisë shfaqet kur toksina si alkooli ose kaloritë e tepërta helmojnë mëlçinë, duke shkaktuar inflamacion dhe plagë.
Burimi: CNN / Shendeti.com.al
