E sotmja është një ditë e dhimbshme për Mjekësinë shqiptare, për të gjithë ne! Është ndarë nga jeta në moshën 86-vjeçare mjeku i njohur Polikron Çela.
Pediatri i njohur ndodhej prej disa ditësh në gjendje të rëndë shëndetësore, duke mos arritur që t’ia dalë.
Të gjithë e njohim si njeriun modest, fjalëpak, i qetë, i qeshur, pozitiv dhe i këndshëm.
Mjekësia shqiptare dhe shoqëria jonë ka humbur një personalitet, mjekë i pazëvendësueshem, puna e të cilit, shpresojmë të çohet përpara nga kolegët dhe studentët e tyre, që me aq pasion i ka mbështetur dhe përgatitur.
Lajmi për ndarjen nga jeta të mjekut është bërë i ditur nga vëllai i tij, shkrimtari Mitro Çelo.
“Ndërroi jetë doktor Polikron Çelo:
Pas një sëmundje të rëndë, ndërroi jetë doktor Polikron Çelo. Homazhet do të bëhen në Hotel “Internacional” më 12 mars, afër ish lidhjes së shkrimtarëve, nga ora 10-12:30.
Varrimi do të bëhet në Sharrë në datën 12 mars ora 13, “shkruan vëllai i doktorit, Mitro Çelo.
Gazeta “Shëndet+” ka pasur një bashkëpunim të shkëlqyer me dr. Polikronin.
U shprehim ngushëllimet më të sinqerta familjes dhe kolegëve të profesor Çelës dhe jemi pranë tyre në këto momente të vështira të humbjes së njeriut të dashur.
Më poshtë gjeni një rrëfim të dr. Polikron Çelës për Gazeta “Shëndet+”, i cilit flet për jetën e tij në shëndetësi, për marrëdhënien me fëmijët, me prindërit, marrëdhënien me vajzat, marrëdhënien e veçantë me pediatrinë, së cilës i dha shumë, edhe pse ai me modesti thotë: “Kam bërë vetëm detyrën”.
