Jam një vajzë 18 vjeçe dhe doja të merrja me shumë informacion rreth sëmundjes së shytave. Doja të dija se çfarë shenjash kanë dhe a janë ngjitëse? Olesia
Për pyetjen tuaj përgjigjet mjekja infeksionsite Sabahet Dedja:
Parotiti ose siç njihen në popull shytat, karakterizohen nga enjtje e gjëndrave të pështymës dhe nganjëherë, sidomos te të rriturit, me prekje të gjëndrave seksuale, të meningjeve, pankreasit dhe organeve të tjera.
Shenjat që shfaqen janë temperatura e lartë që shkon 40-41 gradë, dridhje, dhimbje koke, të vjella, etj. Përsa i përket faktit nëse janë ngjitëse, do shtoja se infeksioni mund të transmetohet nëpërmjet sekrecioneve të pështymës. Personi i infektuar është ngjitës një javë para dhe dy javë pas shfaqjes së sëmundjes.
Shytat, pavarësisht formës me të cilën shfaqen, japin një imunitet të qëndrueshëm, që do të thotë që ato kalohen vetëm një herë në jetë. Kjo do të thotë se nëse personat që qëndrojnë pranë të sëmurit, nuk i kanë kaluar shytat, janë të rrezikuar të preken prej tyre”.
