Mjeku Ervis Kurti:
Ethet të cilat nuk shoqërohen me temperaturë më të lartë se 38.5 C˚, mund t’i trajtojmë me antiinflamatorë jo steroidë të cilët mund të përdoren çdo 8 orë. 
Mund të përdorim paracetamolin, ibuprofenin dhe analginën tablet ose ampulë në temperaturat më të larta se 38.5 C˚ intra muskul.
Duhet të dimë që pacienti duhet të marrë lëngje të bollshme dhe kripëra minerale në rastet me temperaturë të lartë. Gjithashtu, duhen ndërruar rrobat shpesh si pasojë e djersëve të shumta në mënyrë që lëkura të qëndrojë e thatë.
Po kur temperatura nuk ulet edhe pas trajtimit me antiinflamatorë, çfarë duhet të bëjmë?
Në rastet kur temperatura është rezistente dhe nuk ulet me mjekim, mund të përdorim kompresat e lagura të cilat mund të jenë me ujë, uthull ose alkool. Në temperaturat më të larta se 38.5 C˚ mund të përdorim banjat me ujë të vakët ose masazhe me peshqir dhe çarçafe të lagur.
