E di që rekomandohen një sërë formash, por unë nuk i rekomandoj. Pastrimi i veshit është shumë i vështirë dhe në këtë rast personit mund t’i bëjë më tepër dëm. Megjithatë një lavazh me ujë të vakët në temperaturën 37 gradë do të ishte i mirë.
Disa shohin dyll në kanalin e veshit dhe duan ta heqin. Është shumë e gabuar kjo, sepse dylli në një sasi shumë të vogël që mbulon sipërfaqen e lëkurës është një mbrojtës natyral shumë i mirë ndaj mikrobeve, ndaj ujit, ndaj infeksioneve, plus që e mban lëkurën shumë të butë.
Nëse do ta heqësh vazhdimisht duke mos lënë fare dyllë në vesh, atëherë lëkura e veshit ka tendencë të kalojë në sëmundjet e lëkurës. Prandaj dylli, nga pak, është një pomadë shumë e mirë natyrale.
