Alergologia Mira Xhixha
Këto dy elemente, sidomos në alergjitë e stinës, kanë ndikim të madh. Jo vetëm që i rëndon, por e shfaq më përpara në kohë. Pra, nëse nuk jemi ende në stinën e pranverës, mjafton një përqindje pluhuri në ajër për të çuar në shfaqjen e simptomave që mund të shfaqeshin pak kohë më vonë. Në fakt, përveç se shfaqen më përpara, këto alergji janë më të rënda dhe personat mund të kenë shqetësime edhe jashtë sezonit. Ndotja e ndihmon polenin që ta transportojë atë deri në mushkëri dhe shkatërron mukozat e aparatit tonë të frymëmarrjes.
Në fakt, ajri i ndotur që ne thithim mundohet të pastrohet nga mekanizma mbrojtëse që kemi në organizëm, por kur këta “mbrojtës” mbarojnë si pasojë e sasisë së madhe e ndotjes, atëherë ne rrezikojmë për disa sëmundje të tjera të mushkërive, si: bronshiti kronik që e dobësojnë mushkërinë nga ana funksionale.
